На Гарадзеншчыне без святла засталіся больш за 50 населеных пунктаў

• 22.04.2024, 11:47

Праз снег.

Гарадзенскія энэргетыкі расказалі раніцай у панядзелак, 22 красавіка, аб наступствах непагадзі, якая абрынулася на рэгіён у выходныя. З аператыўных звестак, праз мокры снег і моцны вецер, парывы якога дасягалі часам 72 км/г, без святла засталіся дзясяткі населеных пунктаў, а выпадкі адключэнняў трансфарматарных падстанцый ужо пераваліла за сотню.

Са звестак энэргетыкаў Гарадзенскай вобласці, адключэнні электрычнасці ў папярэднія дні рэгістравалі:

• у Іўеўскім раёне - адразу ў 50 населеных пунктах, на 117 трансфарматарных падстанцыях,

• у Воранаўскім раёне.

Асноўнай прычынай парушэння электразабеспячэння спецыялісты назвалі наліпанне мокрага снегу на правадах. Праз пагаршэнне ўмоў надвор'я энэргетыкаў давялося перавесці на «асаблівы рэжым падвышанай гатоўнасці» і задзейнічаць спецтэхніку.

У «Гроднаэнэрга» таксама перасцераглі жыхароў рэгіёна ад набліжэння да абарваных правадоў ліній электраперадачы. Са слоў спецыялістаў, да іх нельга падыходзіць бліжэй за 8 метраў. Аб абрыве правадоў папрасілі неадкладна паведамляць дыспетчарам, у тым ліку, праз кароткі нумар аварыйных службаў электрасетак - 115 і на тэлефон 144.