Польшча гатова размясціць у сябе амерыканскую ядзерную зброю
- 22.04.2024, 10:49
Гэтае пытанне абмяркоўваецца на перамовах з ЗША.
Улады Польшчы гатовыя размясціць на сваёй тэрыторыі амерыканскую ядзерную зброю. Пра гэта заявіў прэзідэнт Анджэй Дуда ў інтэрв'ю выданню Fakt.
Паводле ягоных слоў, ядзерная зброя можа быць размешчаная ў рамках праграмы Nuclear Sharing для ўмацавання бяспекі ўсходняга фланга NАТО. Гэтае пытанне ўжо некаторы час з'яўляецца тэмай польска-амерыканскіх перамоў.
«Мы да гэтага гатовыя», - заявіў Дуда.
Ён дадаў, што Польшча з'яўляецца чальцом NАТО, таму ў яе ёсць абавязанні ў гэтых стасунках.
Таксама прэзідэнт Польшчы заявіў, што Расея перакінула сваю ядзерную зброю ў Беларусь.