17-гадовы жыхар Ваўкавыска пашкодзіў за ноч 11 аўто
- 2.04.2024, 14:15
Відэа.
Уночы на 10 сакавіка ў Ваўкавыску непаўналетні пашкодзіў 11 аўтамабіляў. Як паведамілі ва УУС Гарадзенскага аблвыканкама, 17-гадовы хлопец разам са сваім знаёмым шпацыраваў па вуліцы Жолудзева.
На адной з парковак ён пачаў зрываць з аўтамабіляў, якія стаяць без парушэння ПДР, шчоткі задняга шкла. Ягоны сябар некаторыя шчоткі складваў у свой заплечнік, а некаторыя - выкідваў.
У міліцыі матывы сваіх дзеянняў хлопцы патлумачыць не змаглі. Распачатая крымінальная справа за хуліганства.