ЗША абвінавацілі Кітай у распальванні вайны ва Украіне

• 19.04.2024, 17:21

Вашынгтон незадаволены дапамогай, якую Пекін надае Маскве.

Падтрымка Кітая дапамагае Расеі весці сваю агрэсіўную вайну супраць Украіны, заявіў дзяржаўны сакратар Злучаных Штатаў Амерыкі Энтані Блінкен.

Пасля сустрэчы кіраўнікоў дыпламатыі «Вялікай сямёркі» на італійскім востраве Капры ён абвінаваціў Пекін ва ўскосным распальванні вайны ва Украіне. Гаворка ідзе пра пастаўкі кампанентаў для расейскай абароннай прамысловасці, піша Le Monde (пераклад - «Уніян»).

«Гэта дазваляе Расеі працягваць сваю агрэсію супраць Украіны», - заявіў ён журналістам.