З'явілася відэа ракетнага ўдару УСУ па аэрадроме акупантаў у Джанкоі

• 18.04.2024, 16:23

Украінскі Генштаб паказаў пачатак атакі.

Сілы абароны Украіны для ўдару па аэрадроме ў акупаваным Джанкоі выкарыстоўвалі ракеты. Іх запуск удалося зафіксаваць на відэа.

Пра гэта паведамляе Генеральны штаб УСУ.

Вайскоўцы адзначаюць, што ў ноч з 16 на 17 красавіка Сілы абароны Украіны нанеслі ракетны ўдар і пашкодзілі пэўныя расейскія вайсковыя цэлі на тэрыторыі акупаванага Крыма.

Раней, як пісаў сайт Charter97.org, украінская выведка паведаміла, што ў выніку атакі УСУ на расейскі вайсковы аэрадром акупантаў у Джанкоі пашкоджаныя чатыры пускавыя ўстаноўкі ЗРК С-400, тры радыёлакацыйныя станцыі, пункт кіравання сродкамі СПА і апаратура назірання за паветранай прасторай «Фунда М». Страты жывой сілы і авіяцыі ворага ўдакладняюцца.