Беларусь у Афрыцы мяняе трактары на апельсіны

• 18.04.2024, 22:17

Абмен бартарны абмен.

Беларусь у Афрыцы мяняе трактары на апельсіны. Пра гэта заявіў першы намеснік міністра эканомікі Андрэй Картун у эфіры дзяржканала, звярнула ўвагу «Нямецкая хваля».

«Часта нам афрыканскія контрагенты кажуць, што ў сілу жорсткага валютнага заканадаўства не могуць заплаціць. Таму гавораць: а давайце мы памяняем трактары на апельсіны. Ужо ёсць удалыя кейсы такога абмену», - заявіў Картун.

Ён таксама дадаў, што «апорнымі пунктамі» Беларусі ў Афрыцы з'яўляюцца Егіпет, Нігерыя, Экватарыяльная Гвінея, ПАР, сумарная ёмістасць імпарту ў якія складае «больш за 100 млрд даляраў, за год расце на 10 млрд даляраў».