«Для іх стала б трагедыяй, калі б спыніліся цэхі»

• 18.04.2024, 14:20

Стала вядома, што адбылося пасля атакі "кіберпартызан" на "Гродна Азот".

Учора, 18 красавіка, "кіберпартызаны" заявілі аб нападзе на "Гродна Азот". Работнік прадпрыемства расказаў сайту Charter97.org, з якімі наступствамі сутыкнулася прадпрыемства.

“Дыскамфорт на некалькі гадзін. Пошта і лакальная сетка былі зашыфраваныя, але на “Азоце” ёсць IT-спецыялісты, яны ўтылітамі вычышчаюць кампутары.

Вытворчасць працавала. Нязручнасці былі для начальства. Для іх была б трагедыя, калі б спыніліся цэхі”, - распавёў працаўнік прадпрыемства.

Нагадаем, хакеры-патрыёты заявілі, што іх атака з`яўляецца папярэджаннем для іншых прадпрыемстваў і арганізацый, якія займаюцца палітычнымі рэпрэсіямі.