Поспех УСУ: унікальная расейская РЛС выведзеная з ладу

• 18.04.2024, 10:59

Гэта практычна незаменная страта.

Украінскія БПЛА атакавалі расейскую загарызонтную РЛС «Кантэйнер», размешчаную ў Мардовіі.

Са звестак крыніц Telegram-канала «ВЧК-ОГПУ», атака прайшла паспяхова і зараз расейская загарызонтная станцыя выведзеная з ладу. Гэта адзіная ў сваім родзе РЛС загарызонтнага сачэння, якая дазваляла выяўляць аэрадынамічныя мэты на адлегласць да 3000 км, за кошт адлюстравання ад іёнасферы сігналу радара.

Страта «Кантэйнера» пазбавіць расейскія СПА выведвальнай інфармацыі і магчымасці ранняга выяўлення ўдарнай авіяцыі.

Папоўніць прабел, як піша Telegram-канал, будзе вельмі складана, завод, дзе выраблялі «Кантэйнер» ужо практычна закрыты, а інстытут распрацоўшчык далёкай радыёлакацыі – НДІДАР спыніў сваё існаванне.