У выніку ўдару па Джанкоі знішчаная важная вайсковая тэхніка РФ

• 17.04.2024, 9:30

Акупанты ўжо панікуюць.

Мяркуючы з усяго, удар па аэрадроме РФ, які знаходзіцца ў акупаваным Джанкоі, быў дзейсным: там магла размяшчацца расейская вайсковая тэхніка.

Пра гэта паведамляе ў сваім ТГ-канале партызанскі рух «Атеш».

Украінскія актывісты, якія дзейнічаюць у акупацыі, публікуюць здымкі тэхнікі КС РФ, якая магла знаходзіцца на аэрадроме Джанкоя.

Партызаны "Атэш" зафіксавалі сродкі СПА захопнікаў, а таксама РЛС, якая збірае звесткі аб паветраных цэлях і перадае іх на камандныя пункты СПА.

Акрамя таго, расейскія “ваенкары” ўжо ўзяліся скардзіцца, што ў выніку начнога ўдару па джанкойскай авіябазе нібыта знішчаны склад з “Цырконамі”, а таксама адразу некалькі адзінак авіяцыі і нават асабовы склад расейскіх пілотаў.

Нагадаем, уночы 17 красавіка ў Джанкоі ў раёне аэрадрома прагучалі выбухі, пасля чаго пачаўся пажар.