СМІ: У Крыме ракета знішчыла камандны пункт РФ з высокапастаўленымі афіцэрамі

• 15.04.2024, 17:07

Паветраная трывога на акупаваным паўвостраве доўжылася блізу дзвюх гадзін.

15 красавіка сілы абароны Украіны знішчылі ў акупаваным Крыме камандны пункт расейскіх акупантаў. Пра гэта са спасылкай на крыніцу ва ўкраінскіх спецслужбах паведамляе «Суспільне».

Суразмоўца журналістаў расказаў, што ў камандным пункце, знішчаным сёння ўдзень, знаходзіліся высокапастаўленыя расейскія афіцэры.

«Суспільне» адзначыла, што паветраная трывога на акупаваным паўвостраве доўжылася блізу дзвюх гадзін.

Telegram-канал «Крымскі вецер» паведамляў сёння аб трывозе ў воінскіх частках Севастопаля і аб актыўнасці ворага пад Джанкоем, а таксама аб закрыцці незаконна пабудаванага акупантамі Крымскага моста.