BE RU EN

У Нідэрландах беларускі дальнабойшчык пабіўся з расейцам

  • 10.04.2024, 16:06

А затым ударыў паліцыянта.

У Нідэрландах 32-гадовы беларускі дальнабойшчык пабіўся з расейскім, а затым пачаў супраціўляцца вартавым парадку. Пра гэта паведамляе мясцовая паліцыя, піша выданне "Беларусь і свет".

Інцыдэнт здарыўся ўночы на суботу 6 красавіка на стаянцы Ваузе-Тол-Норд па шашы А58 паблізу горада Берген-оп-Зом на поўдні краіны.

А 02.15 праваахоўнікам паступіла інфармацыя аб тым, што на паркоўцы кіроўцы фуры зазналі напад з боку свайго калегі. Пацярпелы расеец распавёў, што, пабуджаны гудком клаксона, пайшоў паглядзець, у чым справа, пасля чаго паміж ім і іншым шафёрам адбылася сварка і бойка. Аднак ён адмовіўся высоўваць абвінавачанні.

Тым часам наш суайчыннік вярнуўся да сябе ў кабіну. Ён быў вельмі п'яны і адмовіўся паказваць паліцыянтам пасведчанне асобы. З вялікай цяжкасцю, ледзь трымаючыся на нагах, мужчыну ўдалося выбрацца вонкі. Ён паводзіў сябе агрэсіўна, біў па шыбе службовага аўтамабіля.

Паліцыянты хацелі скласці пратакол за знаходжанне ў грамадскім месцы ў п'яным выглядзе і не паказаў дакументаў. Але дальнабойшчык ударыў супрацоўніка паліцыі кулаком, трапіўшы крыху ніжэй левага вока. Яго затрымалі, нягледзячы на актыўны супраціў і даставілі ў камеру.

Апошнія навіны