У Ашмянскім раёне студэнтаў і вайскоўцаў сагналі на палеткі збіраць камяні
- 29.03.2024, 18:13
На загад Лукашэнкі.
У Ашмянскім раёне Гарадзенскай вобласці студэнтаў, работнікаў прадпрыемстваў, сацыяльнай сферы і вайскоўцаў адправілі на палеткі збіраць камяні. Яны дапамагаюць работнікам сельгаспрадпрыемстваў выконваць даручэнне Аляксандра Лукашэнкі.
Нядаўна ён прылятаў у раён на верталёце і вельмі абураўся, што палі засеялі, але перад гэтым не прыбралі камяні. Лукашэнка з'ехаў, а праблема засталася. На яе ўрэгуляванне кінулі блізу 200 чалавек і разнастайную тэхніку.
Відаць, камянёў шмат, раз іх збор плануецца скончыць толькі да 20 красавіка. А сабраны «ўраджай» абяцаюць адправіць на будоўлі.