У Менску пенсіянер забіў жонку і выскачыў з акна

• 26.03.2024, 11:10

Ён некалькі разоў ударыў жонку нажом.

Раніцай 26 сакавіка ў Менску мужчына забіў жонку і наклаў на сябе рукі, паведамілі ў Следчым камітэце.

Са звестак следства, у экстраныя службы паступіла паведамленне аб выяўленні цела 73-гадовага мужчыны з прыкметамі падзення з вышыні каля дома па вуліцы Мірашнічэнкі. У кватэры загінулага супрацоўнікі міліцыі знайшлі 71-гадовую жанчыну без прыкметаў жыцця са шматлікімі нажавымі раненнямі.

Паводле папярэдніх звестак, мужчына некалькі разоў ударыў жонку нажом, пасля чаго скончыў жыццё самагубствам, выскачыўшы з акна.

На месцы здарэння працуе следча-аператыўная група. Прычыны і абставіны здарэння высвятляюцца.