Нацыянальная каманда ЗША сенсацыйна не прайшла ў фінал ЧС у баскетболе
- 9.09.2023, 14:44
Упершыню ў сваёй гісторыі немцы былі мацнейшымі за амерыканцаў.
Нацыянальная каманда Нямеччыне ў паўфінальным матчы чэмпіянату свету ў баскетболе ўдалося зрабіць амаль немагчымае – падолець зборную ЗША, і прайсці ў фінал турніру. Цяпер яна будзе змагацца са зборнай Сербіі за тытул чэмпіёна свету, паведамляе prsport.net.
У паўфінальным паядынку чэмпіянату свету ў баскетболе здарылася сапраўдная сенсацыя – зборнай Нямеччыны ўдалося падолець нацыянальную каманду ЗША, і прайсці далей. Гэта ўпершыню ў сваёй гісторыі немцы былі мацнейшымі за амерыканцаў у баскетболе і сталі фіналістамі сусветнага першынства.
Перавага нямецкай зборнай у ліку была мінімальнай – яна перамагла, апярэдзіўшы спаборніка ўсяго на 2 балы (113:111). У гэтым паядынку Бундэстым была відавочным аўтсайдэрам, але яе неймаверная гульня заслужана прывяла яе ў фінал.
У першых двух згуляных чвэрцях абедзве каманды абмяняліся перамогамі, а вось самае цікавае пачало адбывацца на пляцоўцы пасля вялікага перапынку. Трэцюю чвэрць каманда Нямеччыны выйграла, абышоўшы амерыканцаў з розніцай у 11 пунктаў. Больш за тое, у вырашальнай чвэрці матчу каманды ішлі амаль упрытык у ліку – усяго за паўтары хвіліны да канца паядынку лік быў толькі 108:107 на карысць немцаў.
Неверагоднымі намаганнямі каманда Нямеччыны зрабіла міні-рывок у 5 балаў, які і дазволіў ім выйграць матч. Гэта ўжо 8 паядынак паміж гэтымі нацыянальнымі зборнымі, і ўпершыню немцам удалося падолець спаборніка.
Для нямецкай каманды гэта першы фінал ЧС ў баскетболе ў сваёй гісторыі, і ў ім яна будзе змагацца за тытул чэмпіёна з нацыянальнай камандай Сербіі, якая ў сваім паўфінале падолела Канаду. Фінал ЧС адбудзецца 10 верасня.