Галоўны трэнер «Ліверпуля»: Салах наш футбаліст і хоча тут гуляць
- 4.09.2023, 21:26
Клоп упэўнены, што егіпцянін застанецца ў «Ліверпулі».
Галоўны трэнер «Ліверпуля» Юрген Клоп упэўнены, што зорны вінгер Махамед Салах застанецца ў камандзе, адзначае sport.ua.
Паведамлялася, што цікавасць да Салаха праяўляе «Аль-Іціхад». Клуб гатовы прапанаваць за вінгера 200 мільёнаў фунтаў, пабіўшы тым самым сусветны рэкорд – нагадаем, трансфернае акно ў Саудаўскай Аравіі зачыніцца 20 верасня.
«У мяне ніколі не было ніякіх сумневаў у ягонай прыхільнасці да гэтага клуба. Вы не можаце сабе ўявіць, колькі шуму паднялося і наколькі спакойна мы да гэтага ставімся. Ён наш футбаліст і хоча гуляць тут», – сказаў Клоп.
У гэтым сезоне ў складзе «Ліверпуля» Махамед Салах згуляў чатыры матчы, забіў два галы і зрабіў дзве дзейсныя перадачы.