Пад Менскам гарыць сметнішча
- 8.06.2023, 18:12
Плошча пажару - блізу тысячы квадратных метраў.
Ратавальнікі ліквідуюць узгаранне на палігоне цвёрдых бытавых адкідаў каля вёскі Белай Лужы Смалявіцкага раёна, паведамілі ў МНС.
Паводле аператыўных звестак, плошча пажару складае амаль 1000 квадратных метраў. Задзейнічаныя 9 адзінак тэхнікі МНС і 7 машын мясцовай арганізацыі.
У мінулую пятніцу гарэла сметнішча пад Дзяржынскам. Тады плошча пажару была амаль 500 квадратных метраў.
Нагадаем, на большай частцы тэрыторыі Беларусі захоўваецца надзвычайная пажарная небяспека праз высокую тэмпературу і адсутнасці істотных дажджоў.