У акупаваным Мелітопалі прагрымеў магутны выбух

• 4.06.2023, 17:03

З’явілася відэа «прылёту».

На поўдні часова акупав'анага Мелітопаля ўдзень у нядзелю, 4 чэрвеня, прагрымеў гучны выбух.

Пра гэта паведаміў мэр горада Іван Фёдараў у Telegram. З ягонай інфармацыі, «нешта адбылося» ў наваколлях пасёлка Акімаўка, што на поўдзень ад Мелітопаля.

Мясцовае выданне РІА Мелітопаль апублікавала таксама відэа, на якім відаць густы дым, магчыма, над месцам выбуху.