Апоры Крымскага моста пакрыліся расколінамі

• 1.06.2023, 14:36

Пашкоджанні ахопліваюць усю даўжыню слупоў.

На апорах Крымскага моста з'явіліся расколіны. Такую інфармацыю распаўсюджваюць расейскія Telegram-каналы.

Акрамя гэтага, таксама былі апублікаваныя адпаведныя фота, на якіх выразна бачна пашкоджанне збудавання. Іх «запосціў» на сваёй старонцы таксама і ўкраінскі актывіст Сяргей Сцярненка.

На двух апорах, якія трымаюць аўтадарогу праз Керчанскую затоку, з'явілася дзве вертыкальныя расколіны. Яны ахопліваюць усю даўжыню слупоў.