У Беларусі заблакавалі сайт dev.by

• 30.05.2023, 12:39

Гэты сайт спецыялізуецца на навінах IT-індустрыі.

У Беларусі заблакавалі сайт dev.by, які спецыялізуецца на навінах IT-індустрыі, паведамляе БАЖ.

Інтэрнэт-рэсурс перастаў адкрывацца ў некаторых аператараў сувязі ў Беларусі яшчэ ў канцы мінулага тыдня. Аднак ніякіх афіцыйных заўваг з боку ўладаў рэдакцыя не атрымлівала. Таму заснавальнікі спадзяваліся, што гэта тэхнічная накладка.

Але пасля выходных сайт так і не пачаў дзейнічаць. Пры гэтым за межамі Беларусі ён адкрываецца і абнаўляецца.