Відавочцы: Расеец пратараніў шлагбаум на польска-беларускай мяжы

• 30.05.2023, 9:58

У аўто была ягоная жонка з трыма дзецьмі.

Сёння а 8 раніцы ў Telegram-чаце пра межы Беларусі з Польшчай і Літвой з'явілася інфармацыя аб тым, што праз польскі пункт пропуску Тэрэспаль (сумежны пункт - Бераце) была спроба прарвацца праз мяжу на аўто ў бок Беларусі.

«Грамадзянін Расеі з Чачэніі пратараніў польскі шлагбаум, прабіў колы і на сярэдзіне моста затрымаўся перад аўтобусам. Жонка з трыма дзецьмі перабегла ў Беларусь.

Памежнікі прыехалі на дзвюх аўто і закавалі расейца ў кайданкі. На беларускім баку таксама напружанне», - паведамілі ў чаце відавочцы.