П'яная мянчанка ўпала ў Свіслач

• 16.05.2023, 10:28

Інцыдэнт здарыўся ля вуліцы Зыбіцкай.

Сёння ўночы ў Менску ратавальнікі выцягнулі са Свіслачы маладую жыхарку сталіцы.

Як паведамляецца ў справаздачы МНС, спадарыня 2001 года нараджэння не магла выбрацца з ракі побач з вуліцай Зыбіцкай. Ратавальнікі даставілі яе на бераг і перадалі медыкам хуткай дапамогі.

«Пасля агляду спадарыню шпіталізавана ва УАЗ «Менскі навукова-практычны цэнтр хірургіі, транспланталогіі і гематалогіі» з дыягназам: агульнае пераахаладжэнне, алкагольнае ап'яненне. Прычына здарэння высвятляецца», - праінфармавалі ў МНС.