У Маскве грымнуў выбух: над горадам узняўся стаўбун чорнага дыму

• 15.05.2023, 15:32

Мэдыі паведамляюць аб выбуху газавых балонаў у гандлёвым цэнтры.

Расея не здраджвае традыцыям. У сталіцы РФ 15 траўня чулі выбух, пасля якога пачаўся пажар.

Пра гэта паведамляюць расейскія мэдыі. Папярэдне, выбух адбыўся ў краме "Перекрёсток" на поўдні Масквы, перадае 24 Канал.

Дэталі падзеі

Як адзначаюць, пажар адбыўся на бульвары Адмірала Ушакова ў Паўднёвым Бутавым. Па прыездзе ратавальнікі не пацвердзілі інфармацыю аб выбуху. Затое адзначылі, што пажар патушылі на плошчы 4 мэтры квадратныя і дадалі, што «гарэла смецце».

Аднак іншыя мясцовыя тэлеграм-каналы распаўсюджваюць інфармацыю аб выбуху газавых балонаў на першым паверсе гандлёвага цэнтру. Акрамя таго, на апублікаваных кадрах відаць моцнае задымленне.

Людзі самастойна эвакуаваліся з будынку. Як вядома, ніхто не пацярпеў.