Прарасейскія папы з Хмяльніцкага, якія збілі байца УСУ, уцяклі

• 2.04.2023, 21:01

Парафія перайшла ў ПЦУ.

Ва Украіне грамада Свята-Пакроўскага кафедральнага сабора места Хмяльніцкага, дзе прарасейскія папы напалі на байца УСУ, увечары ў нядзелю, 2 красавіка 2023 года, сабрала больш за 1 200 подпісаў на карысць пераходу з падпарадкавання УПЦ (МП) у ПЦУ.

Пра гэта паведамляе мясцовы партал Vsim.

«Старшынём сходу абралі Юрыя Смаля», - гаворыцца ў паведамленні.

Таксама прадстаўнікі сходу атрымалі ключы ад царквы, каб правесці там рэвізію.

«Гэта частка працэдуры для пераходу сабора з УПЦ (МП) у Праваслаўную царкву Украіны», - адзначае выданне.

Прарасейскія папы пакінулі яго тэрыторыю праз запасны выхад.