Сіноптыкі расказалі, якое надвор'е чакае беларусаў заўтра

• 2.04.2023, 16:10

Абвешчаны жоўты ўзровень небяспекі.

Сіноптыкі прагназуюць жоўты ўзровень небяспекі на панядзелак. Заўтра ў заходняй палове краіны месцам чакаецца ўзмацненне ветру парываннем да 15-18 м/с, уночы і раніцай на асобных адцінках дарог - слізгота.

У Менску будзе пахмурна. Чакаюцца невялікія ападкі ў выглядзе снегу, мокрага снегу. Будзе дзьмуць паўночны вецер 5-10 м/с парываннем да 14 м/с. Тэмпература паветра ўночы складзе 0..-2°C, удзень - 0..+2°C.