Беспілотнікі ліквідавалі групу расейскіх вайскоўцаў у Курскай вобласці

• 2.04.2023, 10:57

Мясцовыя жыхары ў паніцы пачалі бунтаваць супраць губернатара.

У выніку абстрэлу Курскай вобласці 31 сакавіка, войска РФ панесла страты.

Як заявіў Тэлеграм-канал ASTRA, прыкладна а 8 раніцы 31 сакавіка пазіцыі расейскіх вайскоўцаў у Карэнеўскім раёне Курскай вобласці атакавалі беспілотнікі. Акрамя таго, былі зробленыя абстрэлы мінамётнымі і артылерыйскімі набоямі.

У выніку абстрэлу адзін вайсковец загінуў на месцы, яшчэ пяць былі шпіталізаваны з раненнямі ў Карэнеўскую, Глушкоўскую і Рыльскую ЦРБ.

Жыхары Каранеўскага раёна распавялі ASTRA, што іх лякарня «знаходзіцца ў такім стане, што там параненым дакладна не змогуць дапамагчы». Заўважым, улады рэгіёна запэўніваюць, што «сярод жыхароў, на шчасце, абышлося без пацярпелых». Але ў сацыяльных сетках з гэтай нагоды мясцовыя жыхары пачалі выказваць незадаволенасць - яны абвінавачваюць губернатара ў хлусні.