Куды знікла ўдава Макея?

• 2.04.2023, 9:55

Такое не магло адбыцца без ведама Лукашэнкі.

Пасля смерці міністра замежных спраў Уладзіміра Макея яго ўдава, актрыса Вера Палякова, здаецца, трапіла ў няміласць. Яна знікла з тэлеэкранаў. Крыніцы «Нашай Нівы» кажуць, што такое не магло адбыцца без ведама Аляксандра Лукашэнкі.

Вера Палякова знікла з тэлевізіі. Яшчэ незадоўга да 26 лістапада 2022 года, дня смерці Макея, яна часта вяла праграму АНТ «Наша раніца».

Цяпер Палякова ў эфіры больш не з'яўляецца. У Аляксандра Серабраннікава іншая калега - Любоў Чаркашына, сябра выканкама беларускага Нацыянальнага алімпійскага камітэта (НАК), якое - цікавае супадзенне - прасунулася ў кар'еры ў часы праўлення ў НАК Максіма Рыжанкова, які пазней стаў антаганістам Макея ў дзяржапараце.

Таксама, як стала вядома, Вера Палякова больш не вядзе мерапрыемствы для рэжымнага істэблішменту.

«А блізкія да рэжыму бізнэсоўцы, якія раней падтрымлівалі Тэатр юнага гледача, якім кіруе Палякова, сталі адмаўляць у просьбах падтрымкі тых ці іншых праектаў. Цікавае супадзенне», - сказаў «Нашай Ніве» чалавек з тэатральнай сферы.

Акторка працягвае выступаць разам з тэатральным праектам «ТрыТфармаТ», днямі трупа ездзіла ў Бярозу паказваць спектакль «Карэніна».

«Без ведама Лукашэнка, а хутчэй за ўсё - і на наўпроставае распараджэнне Палякова не магла быць адпраўлена ў няміласць адразу пасля смерці Макея», - сказаў выданню адзін з дасведчаных суразмоўцаў.