«Тры машыны на чырвоны спыняюцца, а ён усіх аб'ехаў і панёсся!»

• 31.03.2023, 14:40

Відэа з Менска.

Загараецца забараняльны сігнал святлафора, але аўтамабіль не змяншае хуткасць. Наадварот, кіроўца робіць усё, каб праскочыць на чырвонае святло, піша «Онлайнер». Па правым шэрагу, а за пару метраў пешаходы, гатовыя вось-вось выйсці на праезную частку. Ці не занадта шмат рызыкі дзеля эканоміі адной хвіліны?

Справа была 30 сакавіка, а 18:35, на Лагойскім тракце ў Менску. Аўтамабілі рухаліся з боку МКАД у кірунку вуліцы Гамарніка.

- Я звычайна на такія рэчы не звяртаю ўвагі, але тут перабор, - абураны наш чытач, які падаў відэа. - У яго наперадзе ўжо тры аўто на чырвоны спыняюцца, а ён усіх аб'ехаў і папёр!