Сітуацыя на фронце змянілася: з'явіліся новыя «гарачыя» кірункі

• 30.03.2023, 9:06

Наступ расейцаў у гэтых мясцінах захлынуўся.

Сілы абароны Украіны адбілі больш за 60 атак з боку расейскіх акупантаў.

Пра гэта на сваёй старонцы ў Facebook паведамляе Генеральны штаб УСУ. «Супраціўнік засяроджвае асноўныя намаганні на вядзенні наступальных дзеянняў на Ліманскім, Бахмуцкім, Аўдзееўскім і Мар'інскім кірунках... У эпіцэнтры баявых дзеянняў застаюцца Белагораўка, Бахмут, Аўдзееўка і Мар'інка», - гаворыцца ў паведамленні.

На Ліманскім кірунку на працягу дня супраціўнік вёў беспаспяховыя наступальныя дзеянні ля Стэльмахоўкі і Выемкі.

На Бахмуцкім кірунку вораг працягвае штурм Бахмута. Падчас штурмавых дзеянняў супраціўніка ўкраінскія ваякі адбілі 28 нападаў супраціўніка. Вораг таксама вёў беспаспяховыя наступальныя дзеянні каля Арэхава-Васільеўкі.

На Аўдзееўскім і Мар'інскім кірунках супраціўнік вёў наступальныя дзеянні ў кірунку такіх паселішчаў як Новакалінава, Стэпнае, Аўдзееўка, Паўночнае, Першамайскае, Мар'інка Данецкай вобласці, поспеху не меў.