Ва УСУ з'явяцца дроны з далёкасцю звыш 3000 кіламетраў

• 29.03.2023, 16:55

Іх з'яўленне анансаваў кіраўнік РНБА Данілаў.

Сакратар РНБА Украіны Аляксей Данілаў анансаваў з'яўленне ва УСУ ўдарных дронаў з далёкасцю палёту звыш 3000 кіламетраў.

У сябе ў Twitter Данілаў апублікаваў фота нямецкага пілота-аматара Маціяса Руста, які ў 1987 годзе прызямліўся на самалёце на Краснай плошчы ў Маскве, бесперашкодна праляцеўшы больш за тысячу кіламетраў.

«Украінскі рой» «імя Маціяса Руста» - дзясяткі мадэляў, тысячы дронаў. Ударныя БПЛА на ўзбраенні УСУ далёкасцю палёту звыш 3000 км», - падпісаў ён здымак.