Беспілотнік атакаваў газавую станцыю ў расейскім Белгарадзе
- 29.03.2023, 9:51
Выбух пашкодзіў рэзэрвуар і газаправод.
Газавая станцыя ў расейскім Белгарадзе была атакаваная невядомым беспілотнікам.
«У Белгарадзе беспілотнік атакаваў газавую станцыю. Інцыдэнт адбыўся ўвечары 27 сакавіка», - паведамляе telegram-канал Baza.
Там дадалі, што станцыя належыць кампаніі "Газэнэргасеткі".
Беспілотны лятальны апарат (БЛА) быў самаробным прыстасаваннем. Пры выбуху пашкоджанні атрымалі газавы рэзэрвуар і газаправод.
БЛА нібыта мог быць выпушчаны з боку места Валчанска ў Харкаўскай вобласці, мяркуюць аўтары telegram-канала.