Байдэн упершыню адрэагаваў на размяшчэнне ядзернай зброі ў Беларусі

• 29.03.2023, 7:50

Прэзідэнт ЗША прадбачыў такі паварот падзей.

Прэзідэнт Злучаных Штатаў Амерыкі Джо Байдэн пракаментаваў заяву расейскага прэзідэнта Уладзіміра Пуціна аб намеры размясціць ядзерную зброю ў Беларусі.

Байдэн сказаў журналістам, што ўстурбаваны планамі Расеі размясціць ядзерную зброю ў суседняй краіне, паведамляе CNN. У той жа час ён зазначыў, што пакуль яшчэ гэта не было зроблена.

«Яны яшчэ гэтага не зрабілі, калі толькі нешта не адбылося, пакуль я быў у гелікаптэры. Вядома, мяне гэта непакоіць. Пра што я гаварыў з вамі, спадарства, апошні год? Гэта небяспечная размова, і гэта выклікае ўстурбаванасць», - дадаў прэзідэнт.

Як паведамляў сайт Charter97.org, 25 сакавіка Пуцін заявіў, што ў Беларусі будуюць спецыяльнае сховішча для тактычнай ядзернай зброі.