Ідэнтыфікаваная асоба палкоўніка РФ, які загадаў бамбаваць драматычны тэатр у Марыюпалі

• 28.03.2023, 11:38

Ваенны злачынец родам з Жытомірскай вобласці Украіны.

Палкоўніка расейскага войска, які аддаў загад бамбаваць драматычны тэатр, радзільню і дзіцячую лякарню ў Марыюпалі Данецкай вобласці, клічуць Сяргей Атрошчанка.

Пра гэта ў Telegram паведаміў дарадца мэра Марыюпаля Пётр Андрушчанка.

Паводле ягоных звестак, Сяргей Атрошчанка нарадзіўся 5 траўня 1981 года ў горадзе Оўруч Жытомірскай вобласці. Затым ён жыў у расейскіх Ліпецку і Варонежы.

Як высветлілі даследчыкі InformNapalm, цяпер палкоўнік РФ жыве на арэндаванай кватэры ў горадзе Прыморска-Ахтарск Краснадарскага краю, недалёка ад набярэжнай.