Магутныя выбухі прагрымелі ў акупаваных Мелітопалі і Марыюпалі
- 27.03.2023, 9:50
Пацярпелі казармы расейскіх вайскоўцаў.
У часова акупаваным Мелітопалі Запарожскай вобласці прагрымелі некалькі выбухаў, паведаміў мэр горада Іван Фёдараў.
«У акупантаў у Мелітопалі «нічога не адбываецца». У горадзе прагрымела ўжо некалькі выбухаў», - напісаў ён у Telegram.
Са слоў мэра, «што палае ў ворага» гэтым разам, высвятляюць.
«Чакаем добрых навін ад УСУ», - дадаў ён.
Фёдараў удакладніў, што выбух адбыўся каля кавярні «Джокер» ля варожых казармаў.
Паводле ягоных звестак, пацярпеў будынак, дзе размяшчаліся сілавыя акупацыйныя органы РФ.
Акрамя таго, у панядзелак, 27 сакавіка, у Марыюпалі Данецкай вобласці таксама раздаюцца выбухі.
Пра гэта паведамляе ў Telegram дарадца мэра Марыюпаля Пётр Андрушчанка.
«Марыюпаль. Добрай раніцы пачынаецца з Прыморскага раёна. Выбух», - распавёў ён.