Тэлеграм-каналы: Лукашэнка пачаў хавацца за двайніком

• 25.03.2023, 12:10

Параноя ў дыктатара нарастае.

Сёння стала вядома, што пасля страляніны і выбухаў у Гародні КДБ Беларусі пачаў пошукі «дыверсійнай групы». Як паведамляў сайт Charter97.org, у спецыяльным рэжыме працуе Служба бяспекі Лукашэнкі, перацінаючы подступы да рэзідэнцый.

На гэтым фоне тэлеграм-каналы пішуць пра новыя праявы абвастрэння страхаў дыктатара.

«У Лукашэнкі з'явіўся свой двайнік. Яго дэбют апрабаваны на некалькіх хакейных матчах. На цяперашні момант гэта самая закрытая тэма ў Службе бяспекі.

Паводле нашай інфармацыі двайнік будзе выкарыстаны на масавых мерапрыемствах», - паведаміў тэлеграм-канал «Беларуская разведка».