ЗША ўвялі санкцыі супраць МАЗа, БелАЗа і самалёта Лукашэнкі

• 24.03.2023, 17:55

Таксама ў «чорны спіс» трапілі фальсіфікатары выбараў.

ЗША ўвялі санкцыі супраць кампаній і фізічных асоб з Беларусі, у тым ліку БелАЗа і Менскага аўтамабільнага завода, паведамляе амерыканскае Мінфінансаў.

«Наступныя арганізацыі былі дададзеныя ў санкцыйны ліст Управы кантролю за замежнымі актывамі (OFAC): ААТ БелАЗ - кіроўная кампанія холдынгу «БелАЗ-Холдынг», ААТ «Менскі Аўтамабільны Завод», - гаворыцца ў дакуменце.

Акрамя таго, у спіс санкцыйных асоб унесеная сакратарка Цэнтральнай выбарчай камісіі Беларусі Алена Балдоўская, кіраўнік ЦВК Ігар Карпенка і іншыя фальсіфікатары.

Санкцыі ўвялі і ў дачыненні да самалёта, якім карыстаецца Лукашэнка.