СМІ: РФ вярбуе на вайну з Украінай наймітаў у Беларусі

• 23.03.2023, 20:53

З Беларусі плануюць завербаваць да 2000 наймітаў.

Расейцы хочуць завербаваць яшчэ больш наймітаў, на гэты раз – з Беларусі і Анголы.

Пра гэта паведамляе Цэнтр нацыянальнага супраціву, піша Цензор.НЕТ.

Паводле ягоных звестак, з Беларусі плануюць завербаваць да 2000 наймітаў.

«Гаворка ідзе пра супрацоўнікаў ахоўнага прадпрыемства “ГардСэрвіс”. Заўважым, што “ГардСэрвіс” не проста прыватнае ахоўнае прадпрыемства. Яно з'яўляецца першым такім прадпрыемствам у Беларусі і створанае спецыяльным указам Аляксандра Лукашэнкі ў 2019 годзе. Грунтуюцца “ахоўнікі” на тэрыторыі былога цэнтра падрыхтоўкі», – адзначылі ў Цэнтры нацыянальнага супраціву.

Таксама Цэнтр паведамляе пра прыбыццё ў РФ блізу 100 наймітаў з Анголы.

«Пра іх удзел у вайне дамовіўся асабіста кіраўнік МЗС РФ Сяргей Лаўроў падчас візіту ў афрыканскую краіну», – гаворыцца ў паведамленні.