Да +16°С чакаецца ў Беларусі 22 сакавіка

• 21.03.2023, 19:41

Будзе пераважна без ападкаў.

Да 16 градусаў цяпла чакаецца па паўднёвым захадзе Беларусі 22 сакавіка, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У сераду чакаецца пераменная воблачнасць, пераважна без ападкаў. Толькі днём месцамі па паўночным захадзе пройдуць невялікія кароткачасовыя дажджы. Уначы і раніцай месцамі магчымы туман, па паўночным усходзе на некаторых адрэзках дарог галалёдзіца. Вецер прагназуецца ноччу няўстойлівы слабы, днём паўднёва-заходні 4–9 м/с.

Тэмпература паветра ноччу складзе ад мінус 2 да плюс 4. Днём будзе 8–14 градусаў цяпла, па паўднёвым захадзе – да плюс 16.