У Беларусі патаннее аўтамабільнае паліва

• 20.03.2023, 19:02

На адну капейку.

З 21 сакавіка ў Беларусі памежныя раздробныя кошты дызельнага паліва і аўтамабільнага бензіну зменшацца на адну капейку. Пра гэта паведамілі ў прэс-службе «Белнафтахіма».

З 21 сакавіка кошт 1 літра бензіну АІ-92-К5-Еўра складзе 2 рублі 33 капейкі, АІ-95-К5-Еўра – 2 рублі 43 капейкі, АІ-98-К5-Еўра – 2 рублі 65 капеек, ДП – 2 рублі 43 капейкі.

Гэта трэцяя змена коштаў аўтамабільнага паліва сёлета. Апошні раз кошт паліва змяняўся 14 сакавіка: дызель і бензіны патаннелі на 1 капейку.

Нагадаем, летась кошт паліва змяняўся 18 разоў, у 2021 годзе – 30 разоў, у 2020-м – 16, у 2019-м – 28, на год раней – 27.