Літва абмяжуе прапускную здольнасць памежнага пераходу на мяжы з Беларуссю

• 20.03.2023, 11:49

На два месяцы.

У літоўскім пункце пропуску «Меднікі» амаль два месяцы будуць працягвацца работы рэканструкцыі. Яны пачнуцца 4 красавіка і працягнуцца да 31 траўня, паведамляе літоўская мытня. З беларускага боку знаходзіцца пункт пропуску «Каменны лог».

З боку ўезду ў Літву будуць перакладаць асфальт. Пункт пропуску працягне працу, але яго прапускная здольнасць будзе вагацца ў залежнасці ад правядзення прац.

Як раней пісаў сайт Charter97.org, літоўская мытня паведаміла аб зменах у пункце пропуску «Райгардас»-«Прывалка» на мяжы з Беларуссю.