Да +3°С чакаецца ў Беларусі 10 лютага

• 9.02.2023, 19:20

Будзе моцны вецер.

Моцны вецер і да плюс 3 градусаў чакаецца ў Беларусі 10 лютага, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У пятніцу будзе пахмурна з праясненнямі. Уначы пераважна без ападкаў. Днём па паўночна-ўсходняй палове прагназуюцца невялікія ападкі (снег, мокры снег), месцамі слабы галалёд. На асобных адрэзках дарог галалёдзіца. Вецер паўднёва-заходні, заходні 5–10 м/с, днём парывы ўзмоцняцца да 14 м/с, месцамі – да 15–18 м/с. Тэмпература паветра ўначы будзе вагацца ад 3 да 9 градусаў марозу. Днём чакаецца мінус 3 – плюс 3 градусы.