У адным з раёнаў Беларусі ўвялі дні цвярозасці

• 9.02.2023, 16:03

Але ёсць нюанс.

У Магілёўскай вобласці раённыя ўлады пастанавілі правесці антыалкагольную акцыю, расцягнутую на год. Размова ідзе аб пастанове Дрыбінскага райвыканкама аб устанаўленні «Дзён цвярозасці» ў 2023 годзе. Усяго іх будзе пяць, паведамляецца ў дакуменце, апублікаваным на Нацыянальным прававым партале.

Днямі цвярозасці абвешчаныя:

- 30 сакавіка,

- 25 траўня,

- 31 траўня,

- 1 верасня,

- 29 лістапада.

Паведамляецца, што продаж алкаголю гэтымі днямі будзе абмежаваны з 00:00 да 24:00.

Абмежаваная, але не забароненая цалкам. У грамадскім харчаванні на разліў спіртное адпускаць будуць. Што да раздробу, то там дазволяць купляць іх толькі для вяселляў і рытуальных абрадаў.