Пракурор запытаў для Нобэлеўскага лаўрэата Алеся Бяляцкага 12 гадоў калоніі

• 9.02.2023, 12:45

(Абноўлена) Астатнім фігурантам «справы Вясны» - ад 9 да 11 гадоў.

Пракурор запытаў для абвінавачаных у справе «Вясны» пакаранне ў выглядзе пазбаўлення волі на тэрмін ад 9 да 12 гадоў.

Для лаўрэата Нобэлеўскай прэміі міру Алеся Бяляцкага абвінавачанне запытала пазбаўленне волі тэрмінам 12 гадоў. Для Уладзіміра Лабковіча - 9 гадоў, для Валянціна Стэфановіча - 11 гадоў. Для Зміцера Салаўёва, які знаходзіцца за мяжой, 10 гадоў.

Як пісаў сайт Charter97.org, справу «вясноўцаў» разглядаюць у паскораным рэжыме. Іх незаконна абвінавачваюць паводле ч. 4 арт. 228 («кантрабанда арганізаванай групай») і ч. 2 арт. 342 Крымінальнага кодэкса («фінансаванне групавых дзеянняў, якія груба парушаюць грамадскі парадак»).

Палітвязням «вясноўцы» зараз маюць патрэбу ў салідарнасці. Падтрымайце іх лістамі, пасылкамі і грашовымі пераводамі: СІЗА-1, 220030, г. Менск, вул. Валадарскага, 2, Аляксандру Віктаравічу Бяляцкаму, Валянціну Канстанцінавічу Стэфановічу, Уладзіміру Мікалаевічу Лабковічу.