Украінскія вайскоўцы атакавалі больш за 20 раёнаў дыслакацыі жывой сілы РФ
- 8.02.2023, 19:52
Вечаровая зводка Генштаба УСУ.
Украінскія байцы атакавалі 23 раёны засяроджання асабовага складу і ваеннай тэхнікі акупантаў.
Пра гэта паведамляе Генеральны штаб УСУ.
Праціўнік, спрабуючы ўзяць пад поўны кантроль Данецкую і Луганскую вобласці, прадаўжае засяроджваць асноўныя намаганні на вядзенні наступальных дзеянняў на Купянскім, Ліманскім, Бахмуцкім, Аўдзееўскім і Навапаўлаўскім кірунках.
Цягам дня расейскія акупанты нанеслі 1 ракетны ўдар па цывільнай інфраструктуры Славянска ў Данецкай вобласці і 37 авіяцыйных удараў. Акрамя таго, вораг здзейсніў больш за 40 абстрэлаў з рэактыўных сістэмаў залпавага агню, сярод іншага па цывільнай інфраструктуры Берыслава і Камышанаў Херсонскай вобласці.
Застаецца высокая пагроза далейшых расейскіх авіяцыйных і ракетных удараў па цывільных аб'ектах на ўсёй тэрыторыі Украіны.
На Валынскім, Палескім, Северскім і Слабажанскім кірунках без змяненняў, прыкметаў фармавання наступальных груповак не выяўлена. Абстрэлы зазналі раёны больш як 30 населеных пунктаў, сярод іншых Заруцкае, Ваўкіўка, Саханы, Паўліўка, Юнакіўка, Садкі і Міраполле Сумскай вобласці і Уды, Чырвоная Зара, Краснае, Ліпцы, Старыца, Верхняя Пісараўка, Амбарнае, Фіголіўка, Дварычная і Западнае. Вораг нанёс авіяўдары непадалёк ад Казацкай Лопані і Алейнікава Харкаўскай вобласці.
На Купянскім і Ліманскім кірунках пад варожы агонь трапілі больш за 15 населеных пунктаў. Сярод іх – Купянск, Курыліўка, Кісліўка, Табаеўка і Берастава Харкаўскай вобласці і Наваселіўскае, Стальмахіўка, Крамянная, Кузьміно, Дзіброва і Білагорыўка Луганскай вобласці.
На Бахмуцкім кірунку пад варожыя абстрэлы трапілі Білагораўка, Раздоліўка, Бахмут, Багданіўка, Іваніўскае, Мікалаеўка, Клішчыеўка, Азараніўка, Аляксандра-Шультына і Вяселае Данецкай вобласці. У цэлым – больш за 20 населеных пунктаў. Вораг нанёс авіяўдары паблізу Іваніўскага.
На Аўдзееўскім і Навапаўлаўскім кірунках пад абстрэлы трапілі Аўдзееўка, Вадзянае, Первамайскае, Георгіеўка, Мар'інка, Пабеда, Новаміхайлаўка, Вуглядар, Залатая Ніва і Няскучнае Данецкай вобласці. Авіяцыйныя ўдары акупантаў фіксаваліся недалёка ад Аўдзееўкі і Мар'інкі.
На Запарожскім кірунку пад варожы агонь трапілі Врэміўка і Навапіль Данецкай вобласці і Вольгіўскае, Малініўка, Гуляйполе, Малая Такмачка, Новаданілаўка, Новаандрэеўка, Шчарбакі і Каменскае Запарожскай вобласці.
На Херсонскім кірунку ад варожага агню пацярпелі раёны населеных пунктаў Зміеўка, Берыслаў, Шляхава, Львоў, Цягінка, Антоніўка, Янтарае, Берагова, Вялетэнскае і Херсон.
У Наватроіцкім Херсонскай вобласці акупанты праводзяць фільтрацыйныя мерапрыемствы ў дачыненні да мірнага насельніцтва. Найперш гэта тычыцца тых, хто працаваў ва ўкраінскіх дзяржаўных установах і адмаўляецца супрацоўнічаць з расейскай акупацыйнай «адміністрацыяй» і выходзіць на працу. Таксама захопнікі пагражаюць, што асобы, якія да сакавіка не атрымаюць расейскія пашпарты, будуць аўтаматычна падпадаць пад фільтрацыйныя мерапрыемствы.
У населеных пунктах Громіўка, Чаплінка, Малая Кардашынка, Зяленае, Чулакіўка і Новаваладзіміраўка Херсонскай вобласці расейскія акупацыйныя войскі праводзяць штодзённыя ператрусы, беспарадкі і рабаванні мясцовых жыхароў. Зганяюць побытавую тэхніку, тэлефоны і ўсе каштоўныя рэчы.
Авіяцыя Сілаў абароны за мінулы дзень нанесла 21 удар па раёнах засяроджвання асабовага складу і ваеннай тэхнікі акупантаў і 3 удары па пазіцыях зенітна-ракетных комплексаў. А ўкраінскія артылерысты і ракетнікі падбілі 2 пункты кіравання ворага, 2 раёны засяроджвання жывой сілы, склад боепрыпасаў і склад паліва-змазачных матэрыялаў.