Ва Украіне ліквідавалі чарговага расейскага падпалкоўніка

• 8.02.2023, 17:36

Вайсковую кар'еру акупант будаваў у Бураціі.

Ва Украіне ліквідаваны чарговы расейскі акупант высокага афіцэрскага звання - падпалкоўнік узброеных сіл РФ Сцяпан Віктаравіч Кунугураў 1985 года нараджэння, імаверна, артылерыст. Прынамсі, вядома, што ён скончыў Екацярынбуржскую вышэйшую артылерыйскую камандную вучэльню.

Пра гэта паведаміў блогер і ўкраінскі патрыёт з акупаванага Данецка «Necro Mancer», які сістэмна адсочвае некралогі ў рашысцкіх сродках масавай інфармацыі, сацыяльных сетках і ведамасных рэсурсах.

У групе «Тугулімскі раён» (Свярдлоўская вобласць РФ) «Вконтакте» паказваецца, што Кунугураў «загінуў» у зоне «СВА» - гэта значыць, у выніку баявых дзеянняў ва Украіне.

Ён нарадзіўся ў вёсцы Маірэва Свярдлоўскай вобласці. Школу скончыў у райцэнтры Таліца, потым паступіў у ЕВАКУ. Служыў у горадзе Улан-Удэ (Бурація).