У Менску ў Ваеннай акадэміі пачалася раптоўная праверка баявой гатоўнасці

• 6.02.2023, 12:43

Пра гэта паведаміла Мінабароны.

У Ваеннай акадэміі пачалася раптоўная праверка баявой гатоўнасці. Пра гэта паведаміла 6 лютага прэс-служба Мінабароны.

«Сёння паводле пастановы міністра абароны Рэспублікі Беларусь ва ўстанове адукацыі «Ваенная акадэмія Рэспублікі Беларусь» пачалася раптоўная праверка баявой гатоўнасці», — гаворыцца ў паведамленні.

Раней такая ж праверка прайшла ў 72-м гвардзейскім аб'яднаным навучальным цэнтры падрыхтоўкі прапаршчыкаў і малодшых спецыялістаў.

Нагадаем, што нядаўна ў Беларусі змянілі патрабаванні да здароўя для службы ў войску.