Акупанты расстрэльваюць адзін аднаго пад Бахмутам

• 4.02.2023, 12:57

Камандзіры штурмавых груп РФ адмаўляюцца ісці ў атаку.

Акупанты забіваюць адзін аднаго пад Бахмутам Данецкай вобласці. Між іншым, камандзіры загадваюць ліквідаваць старэйшых штурмавых груп, якія адмаўляюцца ісці ў бой.

Як паведамляе Тэлеграм-канал «Шукай сваіх» са спасылкай на радыёперахоп акупантаў, у адным з выпадкаў акупантам загадалі забіць захопніка, які адмаўляўся весці сваю групу ў наступ і прымусіць такім чынам іншых падпарадкавацца загаду.

«Ад камандзіра: перадай «Каёту», каб расстраляў Усцінава, браў яго групу і ішоў наперад штурмаваць» - заявіў адзін акупант іншаму па радыёсувязі.

Акрамя таго, ён загадаў забраць ад забітага Усцінава радыёстанцыю і перадаць таму, каму яна патрэбна.

«Калі ён яго не расстраляе там і Усцінаў нейкім чынам дойдзе сюды - ён будзе паміраць доўга. Так і перадай», - дадаў захопнік.

Іншы акупант спакойна заявіў, што ўсё «прыняў» і, відавочна, пайшоў агучыць загад выканаўцу гэтага забойства.