ЗША абвясцілі аб пакеце вайсковай дапамогі Украіне

• 3.02.2023, 20:26

Што ў яго ўвайшло.

У Міністэрстве абароны ЗША ў пятніцу, 3 лютага, абвясцілі аб новым пакеце вайсковай дапамогі Украіне на 2,175 млрд даляраў, які ўключае дзве сістэмы СПА Hawk і высокадакладныя ракеты. Пра гэта паведамляе Bloomberg.

Журналіст «Голасу Амэрыкі» Астап Ярыш апублікаваў поўны спіс узбраення ў новым пакеце дапамогі:

дадатковыя боепрыпасы для РСЗА HіMARS;

дадатковыя 155-мм артылерыйскія набоі;

дадатковыя 120-мм мінамётныя набоі;

190 кулямётаў з цеплавізійнымі прыцэламі для барацьбы з дронамі;

181 панцырную машыну з супрацьміннай абаронай (MRAP);

250 сістэм Javelin;

2 тысячы супрацьтанкавых ракет;

супрацьпяхотныя міны Claymore;

зімовы рыштунак і гэтак далей;

два комплексы СПА HAWK;

зенітная зброя і баявыя прыпасы;

абсталяванне для інтэграцыі заходніх радараў, ракет і СПА ва ўкраінскую сістэму СПА;

абсталяванне для падтрымкі ўкраінскай сістэмы СПА;

сродкі для барацьбы з дронамі;

чатыры радары;

20 радараў для абароны ад мінамётных абстрэлаў, запасныя часткі для іншых радараў;

беспілотнікі Puma;

высокадакладныя ракеты;

медыкаменты;

абсталяванне для абароненых камунікацый і гэтак далей.