У школах з класных часопісаў выключылі звесткі аб месцы працы бацькоў

• 20.02.2023, 16:05

Пастанова набудзе моц з 1 верасня.

Пастановай Міністэрства адукацыі зацверджаныя тыпавыя формы класнага часопіса.

«Агулам захаваныя формы класных часопісаў, якія выкарыстоўваюцца ва ўстановах агульнай сярэдняй адукацыі ў наш час. Разам з тым у іх унесеныя змены, прадугледжаныя Кодэксам аб адукацыі ў новай рэдакцыі», - распавялі ў міністэрстве.

Напрыклад, прадугледжаная магчымасць правядзення прамежкавай атэстацыі не толькі па чвэрцях, але і па паўгоддзях.

Дарэчы, са старонак класных часопісаў прыбралі інфармацыю аб месцы працы «законных прадстаўнікоў непаўналетніх», гэта значыць, бацькоў або апекуноў.

Пастанова набывае моц з 1 верасня 2023 года.