У Гомелі сутыкнуліся чатыры аўтамабілі

• 2.02.2023, 21:15

Фатафакт.

Удзень 2 лютага ў Гомелі адбылося дарожна-транспартнае здарэнне з удзелам 4 транспартных сродкаў, паведамілі ў ДАІ.

Паводле папярэдняй інфармацыі, кіроўца Chrysler ехаў па вуліцы Палескай з боку вуліцы Хмяльніцкага ў кірунку вуліцы Кірава ў крайняй правай палосе. Пры перасоўванні аўтамабіль занесла, ён выехаў на сустрэчную палосу і сутыкнуўся з VW Polo і УАЗ. Ад удару Chrysler вярнуўся ў сваю палосу, дзе рэзнуўся ў спадарожны Volkswagen Multivan.

У выніку ДТЗ ніхто не пацярпеў. Рух вакол месца аварыі быў абцяжараны.