Следчы камітэт у Гомелі закупляе мяшкі для эвакуацыі дакументаў

• 2.02.2023, 12:18

Куды сабраліся?

У адпаведнасці з умовамі дзяржаўнай закупкі, Следчаму камітэту Гомельскай вобласці спатрэбіліся 30 брызентавых мяшкоў памерам 100х75 сантыметраў з ручкамі для эвакуацыі дакументаў.

Іншых закупак такіх мяшкоў для беларускіх дзяржустаноў "Флагштоку" выявіць не ўдалося. Магчыма, гэта першая такая закупка.

Падобныя закупкі ўдалося знайсці ў Расеі. У прыфрантавым Белгарадзе ў верасні 2022 года пракуратура закупіла 300 мяшкоў для эвакуацыі дакументаў.

Былі ў РФ і даваенныя закупкі, тады іх звязвалі з дзеяннем супрацьпажарных патрабаванняў.